مفضلاتي لشهر ابريل..

بسم الله الرحمن الرحيم...,

دي اول مرة في حياتي اسوي مفضلات يعجبني لمن اتفرج علي مفضلات البلوقرز, فقلت اسوي زيهم وجمعت كل الاشياء الي هريتهم في دي الشهرين مفضلاتي اكثرها عن الفاشن لاني احب الفاشن اكثر من الميك أب..,
يلا نبدأ...,
اول شي حتكلم عن قطع الملابس الي لبستهم كثير في دا الشهر.

دي تنورة لحميه انا خيطتها وقصقصتها من تحت بالشكل الي شايفينها مو زي بعض حتي ههههههههههه بس حبيتها والله جميلة باللبس من قدام قصيرة ومن ورا طويلة.

ودي البلوزة شفافه البس بدي معاه ومع جينز غامق حبيته كانت ساده حطيتلها الدبابيس دي مدري الاسبايكي مدري وش يسمووه خيطته بالياقه. دي الفترة طايحه بالوردي مدري ليش مع انو عشقي الاسود والغوامق بس نقلت نقلة انتقالية هع.

نجي للشوز وانتو بكرامه..,

لمن اشتريته قلت يووه خسرت فلوسي مع ايش حلبسه ووين حلبسه بس بجد طلع عملي وحلوو ومريح لبسته مع بنطلون مع تنورة وكلو طلع شيك وعجبني اخذته من نيولوك.

اسبوورت مريح والبسو لمن اتسوق او اروح الكورنيش اريح من الصناديل.

اكثر شنطة استعملتها بدا الشهرين..

اكثر الاكسسوارات الي استعملتها نظارة من الدو عجبتني مرة وكلبستين اسوي بشعري برمتين من قدام وامسكها بالكلبسه وحلق فيها الوان متدرجه فوشي بنك فضي وثاني حلق المربع الصغير برضو كيوت احبوو واسورتين واحد فضي والثاني ذهبي وسلسله  فيها العين الزرقاء بس تراها للزينة مش لاأي اعتقادات ثانية واسورة الرجل مدري الخلخال السودا النحيفه خط اسود وخط ذهبي, وبس دي هيا الاكسسوارات المفضلة عندي.
نجي اللحين للعناية بالبشرة..

بتقولو وش دا جونسون طفله هههههههههه بس صراحتن احسن شيء جربتو الين اللحين وخاصة الي بشرتها حساسه تستعمل منتجات جونسون ناعمه وخفيفه وعميقه في الترطيب أول شي غسول جونسون للبشرة الدهنية مرة رائع وينفع للبشرة الحساسة وينظف بعمق وثاني شي بودرة الجسم مرة حلووة وتنفع اللي عندهم جروح وحبوب احس مع الاستمرار تخففه انا لاحظته بجسمي ثالث شيء زيت جونسون ترطيب عميق ونعومة زي بشرة الاطفال دي ثالث علبه اشتريها رووعه واخر شيء لوشن استخدمه لوجهي لانو وجهي حساس ومانفعني اي لوشن للبشرة وكل الكريمات تحرقني مانفعني غير لوشن جونسون وزيت اللوز الحلو وزي ماقلتلكم البشرات تختلف.

نجي للميك أب... ماكياجي نصه اكثره ارواج لاني استعمله اكثر شي مرة ماستعمل الاي شدو بس حابه اجرب لمن اشتري باليت نيكد بس استمعل فاونديشن عشان عيوب البشرة يعني كل ماكياجي ايلاينر وماسكارا وروج وبلاش وبكذا احسني مسوية ماكياج كامل وناعم.

فاونديشن من مكياجي كولكشن صبايا استعملو كبي بي كريم مايغطي العيوب بس يعطي نور للوجه خفيف ع البشرة لو سويتيه كل يوم ماحيخرب بشرتك ابدن واذا تبيه كفونديشن يناسب البشرات الصافيه اكثرر واخذت افتح لون رقم 1لانو يندمج مع البشرة

فاونديشن ميك اب فور ايفر تغطيتها عاليه جميل للسهرات بس مرة ثقيل يبالو تغسلين وجهك تماام,,

كونسيلر وهيلايتير من ميبليين اللون فاتح عليا لانو حقي خلصت فأخذت حقق امي عشان اصورو..

بلاشر جميل من ريميل لونو جمييييل وثباتو حلو مرة عجبني ومناكير من ريفلون لون لحمي علي بنك رقمو281 ولون رمادي علي بيج رقمو 320

ماسكارا من ميبليين مرة مشهورة تكثف وتطول بس ناوية اجرب حق بنفت وجل ايلاينر من مبيلين جدددن احبها وعندي منها البني ثبات وسواد وكل شيء فيه حلووو واعتقد بينافس الهاي اند,وبودرة حواجب من مكياجي ماحبيتها بس استخدمها عشان تخلص,تبع بودي شوب احلي بكثيررر عن تجربة.

واخر شيء الارواج اعشق الارواج الغامقه احسها تليق فيا اكثر من الفواتح بس استخدمت الفاتح كمان الموهم اكثر ماكياجي ارواج زي ماقلت بس ماعندي شادوهات الموهم كلو من ريميل لندن الا اللون اللحمي او النود من ماكس فاكتور كلها جميله وعجبتني وثباتها حلووو اول لون موف غامق جدددن جميل وثاني لون عودي بس في الصورة أفتحح والي بعده لحمي ناعم واخر شيء موف فاتح علي وردي مدري كيف بس اكثر شيء احبووو.
واخيرا وليس اخرا الدراما المفضلة..

اسم الدراماi miss you خطيررررة قصة المسلسل متقنه لعاشقات كوريا تابعوه..

ادري طولت بمفضلاتي بس يلا اعذروني دي اول مرة اسوي مفضلات استمتعت والله واتمني للجميع السعادة..
good luck